Ballina Lajme Aubameyang i thotë po kalimit te Barcelona, tani duhet t’ia kumtojë vendimin...

Aubameyang i thotë po kalimit te Barcelona, tani duhet t’ia kumtojë vendimin e tij Arsenalit

24

Pierre-Emerick Aubameyang mund të jetë në prag të një lëvizje të madhe te Barcelona, pasi sipas asaj që raportohet, ai iu ka dhënë përgjigje pozitive kampionëve të La Ligës, duke thënë se është i gatshëm të transferohet.

Sulmuesi i Arsenalit është golashënuesi më i mirë i klubit dhe lojtari më i rëndësishëm i tyre, por klubi aktual po kalon një moment të vështirë.

Ai nuk është i gatshëm që të nënshkruajë një marrëveshje të re me Arsenalin.

Aubameyang ka qenë i lidhur me Barcën edhe në të kaluarën, por sipas Mundo Deportivo, ai i ka thënë po klubit katalunas, duke shfaqur gatishmërinë e tij që të transferohet në Camp Nou.

Tani shanset që gjigantët katalanas të nënshkruajnë me Aubameyang janë të mëdha, por lojtari duhet që vendimin e tij t’ia thotë edhe Arsenalit, duke e kërkuar largimin.

Barca ka nevojë për një sulmues në këtë afat kalimtar për shkak të dëmtimit të Luis Suarez.

Duket se Mikel Arteta nuk ka gjasa të lirojë lojtarin e tij më të mirë dhe armë më të fuqishme.

Në anën tjetër trajneri i ri i Barcelonës, Quique Setien, e ka pranuar që klubi po përpiqet të nënshkruajë me zëvendësues për Suarezin.