Ballina Lajme Meta pas takimit me Kurtin: Shpresoj që qeveria e tij të jetë...

Meta pas takimit me Kurtin: Shpresoj që qeveria e tij të jetë më e mira në rajon

13

Presidenti i Shqipërisë, Ilir Meta, e ka uruar kryeministrin Albin Kurti për marrjen e detyrës së re si udhëheqës i ekzekutivit.

“Është kënaqësi e veçantë. Ju uroj suksese. Mbetem me shumë shpresë që Qeveria Kurti do t’i shfrytëzoj të gjitha mundësitë që të jetë shembull për rajonin”, tha Meta.

Kurti tha se duan ta shtojnë bashkëpunimin me Shqipërinë.

“Ka aq shumë fusha ku edhe mund t’i realizojmë marrëveshjet e nënshkruara, por pse jo të ketë edhe të reja”, tha Kurti.

Kurti e ka takuar ndërkaq edhe kryetarin e Kuvendit të Shqipërisë, Gramoz Ruçin.