Ballina Bota OKB jep alarmin: Koronavirusi po shkakton probleme në shëndetin mendor

OKB jep alarmin: Koronavirusi po shkakton probleme në shëndetin mendor

18

Organizata Botërore e Shëndetësisë ka paralajmëruar se koronavirusi “mund të mos zhduket kurrë”.

Duke folur në një konferencë për media të mërkurën, drejtori për Emergjenca në OBSH, Mike Ryan ka bërë paralajmërime dhe jo parashikime se kur mund të zhduket virusi.

Ai ka shtuar se edhe nëse gjendet vaksina, kontrollimi i virusit do të kërkojë “përpjekje masive”.

Gati 300,000 persona në gjithë botën është raportuar të kenë vdekur me koronavirus, derisa më shumë se 4.3 milionë persona janë infektuar nga ai.

Kombet e Bashkuara kanë paralajmëruar se pandemia është duke shkaktuar probleme të mëdha të shëndetit mendor- sidomos në vendet ku ka mungesë të investimeve në kujdes të shëndetit mendor.

OKB-ja ka thënë se qeveritë duhet ta përfshijnë këtë fushë si pjesë të përgjigjjes së tyre të përgjithshme kundër koronavirusit.